Laamigaan oo dhisan Muddo ku dhow 50 sano ah ka hor, ayaa ah mid ka mida dhaxalka dheemankaa ee shacabka Soomaaliyeed kala hareen Dowladdii dhexe Soomaaliya. Balse mudadas dheer ka dib aan helin Dayactir iyo Daryeel bulsho toona.
Warbixinteenan waxaa si gaara uga waramaynaa inka badan 20 buundo oo uu leeyahay laamiga inta u dhexaysa Gaalkacyo iyo Galinsoor oo qaarkooda qarka u saaran yihiin inay go’aan.
Related posts
Shan ka mida Buundooyinka, ayaa qarka u saaray inay Go’aan haddii aan laga gaarin maalmaha soo socda sida uu sharaxayo Eng Cabdi Axmed Cilmi (Ilkacse) oo ah Isxilqaame aqoontiisa ugu deeqay ogaanshaha Dayactirka ay u baahan yihiin buundooyinka.
Sanadkii 1972dii oo la dhisay Waddadaan iyo Buundooyinkaan ku tixan, Miisaanka Gaadiidka loogu Talogalay, ayaa 12tan iyo 20 Sano oo kasta in dayactir lagu sameeyo Sida uu noo sheegey Xuseen Maxamed Kadiye oo kamid ahaa Shaqaalihii shirkaddii shiinaha ee dhisma laamigaan.
Bur burka Waddadaan waxay saamayn gaara ku leedahay Gaadiidka isaga kala goosha Gaalkacyo ilaa Caasimada Galmudug, kuwaas oo xamuulka ka soo qaada Boosaaso iyo Barbara, Maxamed Cabdiwali (isgowrac) waa wade Gaari isjiid ah, waxa uu nala wadaagay Caqabada ay ku qabaan wadadaan iyo Canshuurta Fara badan ee laga qaado.
Dhowr isku day oo Dhallinyarada degmada Bandiiradley ku doonayeen inay ku cayshaan mid kamida buundooyinka ugu halista badan isla markaana qarka u saaran inay go’aan, ayaa dalbaday in lagala qeyb qaato dhismaha Labo buundo oo ku yaala Bandiiradley iyo Degaanka Baagga balaqay oo labadu Halis yihiin.
Guddoomiyaha degaanka Dagaari Nageeye Xasan Haybe, ayaa tilmaamay maamulkiisa, kan saddex Higlo iyo Bandiiradley ba ay qaadanayaan doorkooda ku aadan Dayactirka Buundooyinkaan, balse awood ahaan aysan ku filnayn.
Baaxad halista ka soo socota wadadaan oo wax laga qaban, ayaa ah mid saamayn weyn ku yeelanaysa Maaliyadda Galmudug oo ku tiirsan, isku socodka Bulshada Gobolada Dalka, sigaara Galmudug. Waxaana taas silooga Baaqsado arrintaan soo bandhigisteeda u istaagay Koox Wariyaal ah, kambaniga Star Group oo lahaa kaalinta ugu muhiinsan ee Gadiidka safarka.
Qoray:Baashi Hobyo
