Magaalada Baydhaba ee xarunta gobalka Baay ayaa xalay lagu dilay wariye ka shaqeynayay idaacad ku taalla magaaladaasi iyo xaaskiisa.
Dhagar qabayaasha sida arxan darada u dilay Wariyaha iyo Xaaskiisa ayaa la sheegay in saqdii dhexe ee xalay ay gudaha u galeen hoyga uu deganaa wariyaha, oo ah Xaafadda Bardaale ee magaalada Beydhabo, waxaana la tilmaamay in ay halkaasi ku toogteen isaga iyo xaaskiisa.
Related posts
Wariyaha la dilay ayaa lagu magacaabi jiray Daaโuud Cali Cumar, waxaana uu ka shaqeynayay Radio Baydhaba, iyadoo goobta ay ka baxsadeen Dhagar qabayaashii ka dambeeyay Dilka.
Xaafadda dilkaan uu ka dhacay oo lagu magacaabo Berdaale ayaa ciidamada ammaanka ee ku sugan xarunta gobolka Bay ee Beydhabo waxa ay howlgalo ka wadaan xaafadaasi oo lagu baadi goobayo dhagar qabayaasha ka dambeeyay Dilka Allaha u naxariistee Daaโuud Cali Cumar .
Falkani guracan ee lagu beegsaday Wariyaha iyo xaaskiisa ayaa ku tusaya dhibaatada umadda Soomaaliyeed ay ku hayaan Kooxda Gumaadka umadda Soomaaliyeed ee UGUS, waxaana markii ay ku jabeen Howlgalada Ciidamada Qalabka sida ay ka wadaan dalka kooxdaasi ay cara kala dul dhaceen dadka waxgalka u ah bulshada mar haddii aysan u babac dhigi Karin awoodooda Ciidamada Qaranka Soomaaliya.
