Wasiirka Warfaafinta Dhaqanka iyo Dalxiiska JFS, Mudane Maxamed Cabdi Xayir Maareeye, oo ku hadlaya magaca Madaxwaynaha Jamhuuriyada Federaalka Soomaaliya, kan Raysal Wasaaraha iyo xukuumadda, wuxuu ammaan, bogaadin iyo mahad balaaran u soo jeedinayaa saraakiisha iyo ciidamada xoogga dalka Soomaaliya (SNA) Guulaha ay ka soo hooyeen hawlgaladii ugu dambeeyey ee ka dhanka ahaa kooxaha argagixisada iyo casharada lama ilaawaanka ah ee ay u dhigeen, kuwaasoo isugu jiray:-
ο· Ka xoreynta Argagixisada ah degaanada ay ku dhiigmiiran jireen shacabka Soomaaliyeed ee dhibaataysan sida Bariire, Sabiid, Caanoole iyo Awdheegle
Related posts
ο· Jebintii weeraradii rogaal celiska ahaa ee todobaad gudihiis laba jeer lagu jebiyey, laguna laayey argagixiso badan.
ο· Adkeynta iyo xasilinta degaanada la xoreeyey, taasoo kor u qaaday kalsoonida shacabku ku qabaan ciidamada qalabka sida.
ο· Soocelinta adeegyadii bulshada ee argagixisadu burburisay sida waxbarashadii, masaajidyadii, caafimaadkii, nalalkii, biyihii iyo gargaarkii bini'aadnimo
Dhamaan arrimahan kor ku xusan, waxay cadeynayaan kartida iyo awoodda ciidamada SNA u leeyihiin in ay ka adkaadaan kooxaha argagixisada ah. Ciidamada SNA, waxay argagixisada siiyeen cashar cusub oo ay argagixisadu ku ogaadeen inaanay qabsan karin saldhigyada ay ku sugan yihiin ciidanka SNA tiro kasto oo ay ku soo weeraraan sidii hore u dhacday dhowr jeer.
Sidii muddo badanba Dowladda Soomaaliya ay dalbanaysay, waxaan mar kale ku celinaynaa codsigeena ahaa in beesha caalamku siiso ciidamada qalabka sida ee Soomaaliya tababarka iyo taageerada ay u baahan yihiin si ay Soomaaliya u nabadeeyaan, ugana sifeeyaan kooxaha argagixisada si
shacbiga Soomaaliyeed, Shucuubta dowladaha dariska ah iyo kuwa caalamkuba, ugu noolaadaan geeska Afrika si nabad iyo barwaaqo.
Dowladda Soomaaliya, waxay u mahadcelinaysaa dowladaha naga taageera Amniga iyo dib u dhiska ciidamada qalabka sida ee Soomaaliya sida USA, Turkey, UK, EU, African Union Iyo kuwa kale.
