Wasiirad ku xigeenka Beeraha iyo waraabka Puntland Siciido Xuseen Cali oo waraysi Gaar ah siisay warbaahinta qaranka ayaa ka xog warantay Kormeero iyo indhayn ay ku soo sameeyeen qaybo ka mid ah Beeraha Puntland Gaar ahaan Gobalka Bari xillili beeralaydu sugayaan roobabkii Gu’ga .
Wasiirad ku xigeenka Beeraha Puntland ayaa tilmaaantay in hay’ada Beeraha adunka ee FO’A ay ku fashilantay abuuro kala duwan oo ay siisay beerlayda Puntland aysana ahayn kuwo tabac ahaan ku haboon dhulka Puntland in lagu beero .
Siciido Xuseen Cali ayaa beerlayda ku dhiiri galisay inay ku kalsoonaadan wasaarada beeraha iyo waraabka Puntland ayna joojiyaan u hanqal taagida hay’adaha kala duwan xustayna in aysan wax wada tashi ah kala samayn wasaarada beeraha Puntland keenista abuurkaani kala duwan iyo in ay ku haboon yihiin dhul ahaan Puntland marka laga reebo in wasaradu hubisay miraahaan tayo ahaan iyo in ay dhaceen iyo in kale .
Wasiirad siciido ayaa beeralayda Puntland iyo inta doonaysa beero tabcashadaba ugu bishaaraysan in ay wasaaradu keentay qalab casri ah oo lagu ogaanayo ciida iyo in ay ku habboon tahay beerashada .
Beeralayda Puntland ayay tilmaantay siciida Xuseen cali wasiirada beeraha iyo waraabka Puntland inay qabaan Baahiyo kala duwan oo u baahan wax ka qabasho dag dag iyadoona tilmaantay in hay’aduhu aysan abaarin halka baahidu taal si gaar ah u soo qaadatay beerihii biyuhu qaateen ee ku yaalay dagmada isku shuban ee Gobalakaasi Bari.
Gabagabadiina wasiirada ayaa ku boorisay Ganacsatada iyo dadka wax haysta inay ka qayb qaataan kaalmaynta beeralayda yar yar ee u badan danyarta aan haysan dhaqaale badan oo ay beerahooda ku tayeeyaan sheegtay in wasaradoodu wad qorshayaal wax loogu qabanayo beeralayda lana jaan qaadi kara dunidan casriga ah.
