Wasaaradda arrimaha gudaha iyo Federaalka ee Xukuumadda Soomaaliya ayaa ugu baaqday hayโadaha samafalka inay gargaar gaarsiiyaan dadka ay saameeyeen abaaraha Dalka.
Wasiiru-dowlaha Wasaaradda Arrimaha gudaha iyo Federaalka ee xukuumadda Soomaaliya Mudane Cabdirashiid Maxamed Xidig oo ka qeyb galayay barnaamijka kulanka todobaadka ee ka baxa Radio Muqdisho iyo Telefishinka Qaranka ayaa sheegay in kulamo gaar gaar ah ay la qaateen hayโadaha samafalka ee ka howlgalla dalka, waxaana uu intaa ku daray in Dowladda Soomaaliya ay qaadan doonto doorka uga aadan gurmad u fidinta dadka ay saameeyeen abaaraha.
Related posts
โWasaaraddu waxa ay wada shaqeyn laย leedahay hayโadaha samafalka, waxaana ka wada hadalnay in gurmad la gaarsiiyo deegannada ay abaarta ka jirto, dadka Soomaaliyed waxaan ka codsanaynaa inay gacan ka geystaan caawinta bulshadaโ ayuu yiri Mudane Cabdirashiid Xidig.
Qaar ka mid ah deegaannad waqooyi bari ee dalka, gaar ahaan deegaannada Maamulka Puntland ayaa lagu soo waramayaa inay ka jirto abaaro baahsan oo saameyn ku yeelatay noloshada dadka iyo duunyada.
