Wasaaradda Arrimaha Gudaha Federaalka iyo Dib-u-heshiisiinta ee Xukuumadda Federaalka Soomaaliya ayaa qabatay kulan farsamo oo lagu dardargalinayo shaqooyinka ka dhaxeeya Wasaaradda Arrimaha Gudaha iyo Guddiga Madaxa bannaan ee Xuduudaha iyo Federaalka.
Kulanka oo uu shir guddoominayay Agaasimaha Guud ee Wasaaradda Mudane Siciid Cabdullaahi Calasow ayaa waxaa ka qaybgalay Guddoomiyaha, Xoghayaha Guud iyo xubno ka tirsan Guddiga Madaxa bannaan ee Xuduudaha iyo Federaalka, kaasi oo diiradda lagu saaray xoojinta xiriirka wada shaqeyn ee ka dhexeysa labada dhinac iyo in la dar dargeliyo shaqooyinka ka dhexeyso.
