Howlahan raashin qeybinta ah ee wasaarada arrimaha gudaha iyo
federaalka ay maalmihii la soo dhaafay ka waday 17 ka degmo ee gobolka
Banaadir ayaa maanta waxaa lagu soo gaba gabeeyay degmooyinka
Wadajir,Dharkenley,Kaxda iyo Dayniile halkaa oo dadka ku dhaqan ee
danyarta ah loogu qaybiyay raashin macaawino ah oo ka soo gaaray dalka
Cumaan isla markaana la soo marsiiyay wasaaradda arrimaha gudaha iyo
federaalka Soomaaliya.
Xubno ka socday dowladda boqortooyada Cumaan ayaa kormeerayay qaabka
ay u socoto howsha raashin qaybinta ee wasaarada arrimaha gudaha ay ka
sameyneysay gobolka sidoo kalena dowladda Cumaan waxay ka
wadaa howlaha raashin qaybinta qaar ka mid ah gobolada dalka .
Gudoomiyaasha degmooyinka maanta raashin qaybinta laga sameeyay ayaa
waxaa ay ka mahad celiyeen sida wasaarada arrimaha gudaha iyo
federaalka iyo dowladda Cumaan ay raashinkaan oo isugu
jira noocyada raashinka kala duwan u gaarsiiyeen shacabka danyarta ah ee
degmooyinkaa ku dhaqan iyago balan qaaday in dadka mudan ay gaarsiin
doonaan.
