Wasaaradda awqaafta iyo arrimaha diinta ee xukumadda federaalka Soomaaliya ayaa shirkadaha ka shaqeeya udxiyada ku amartay inay wasaaradda kala shaqeeyaan hubinta xoolaha la gowracayo si loo marsiiyo shareecada islaamka iyo in sida ugu haboon ee goobaha looga baanyahay la gaarsiiyo.
Sidoo kale waxa ay bulshada Soomaaliyeed ugu baaqday maadaama sanadkaan aan la aadeynin xajka sababo la xiriira cudurka safmarka ee Karoona looga baahanyahay inay garab istaagan dadka danyarta ee uu baahan caawinaad.
Wasiir ku-xigeenka wasaaradda Awqaafta iyo arrimaha diinta ee xukumadda federaalka Soomaaliya Cismaan Aadan Dhuuboow oo maanta qaar ka mid ah culimadda Soomaaliyeed kulan la qaatay ayaa sheegay in Wasaaraddu ay diyaarsiyay nidaam lagu hagayo gaabaha la gaarsiinayo iyadoo la farayo dhammaan hay’addaha ka shaqeeya inay soo maraaan.
“Waxaan diyaarinayay habraac aan ugu talagalnay inaan ku hubinayo goobaha ay baahida weyn ka taaganyihiin hadii ay ahaan laheyd Degmo,xaafad ilaa gobol waxaana rabnaa hay’addaha ka shaqeeya arrimaha udxiyada ee qeybiya xooloha loo gowracayo maalmaha ciidana inaan ka habuni ma yihiin kuwa la waafajiyay shareecada Islaamka.
22 bishaan oo ku beegan maalinta beri ah ayaa la sheegay inay tahay maalinta kowaad ee bisha carafe waana bil qeyr-badan oo islaamka muhiimad gaar ah uleh hase ahaatee sanadkaan lama aadayo xajka maadaama dalka sacuudiga uu sababa la xariira xakameynta caabuqa Karoona loo hakiyay balse ay xajindoonaan tira dadka ku nool gudaha dalkaasi sacuudiga.
