Wasaaradda Beeraha Dowladda Soomaaliya ayaa wadda kor u qaadista Dalagyada kala duwan ee dalka ka soo Go’a.
Agaasimaha Guud ee Wasaaradda Beeraha Xukuumadda Soomaaliya Mudane Maxamuud Maxamed Maxamuud oo la hadlay Radio Muqdisho ayaa sheegay in qorshaha wasaaradda Beeraha uu yahay in la Horumariyo tayada Beeralayda Soomaaliyeed dalagyada ay soo saartaan.
“ Waxaan rabnaa in Gobollada dalka Wasaaradohooda beeraha in inta laysku yeero laga wada hadlo tayada barnaamijka Horumarinta Beeralayda Soomaaliyeed si aan ula macaamiilno hay’adaha doonaya in ay naga caawiyaan arrimaha horumarinta beeraha” ayuu yiri Agasimaha guud ee Wasaaradda Beeraha.
Wasaaradda Beeraha Xukuumadda Federaalka Soomaaliya ayaa muddooyinkaan wadday qorshayaal lagu horumarinayo tayada iyo wax soo saarka Beeralayda Soomaaliyeed.
