Wasiirka Caafimaadka Falastiin Dr. Mai Al-Kaila oo warbaahinta caalamka la hadashay ayaa sheegtay in xaaladda cudurka COVID19 ee Phalastin xiligan ay tahay mid ka khatar badan sidii hore, isla markaana uu cudurka si xawli ah ugu faafayo gudaha Falastiin ayna sii kordhayaan tirada dadka uu soo ridanayo iyo dadka u dhimanaya cudurka COVID19.
Kulankii Golaha Wasiirrada Caafimaadka dalalka Carabta ayay Falastiin ka sheegtay in waddankeedu u baahan yahay in garab laga siiyo sidii ay u yarayn lahayd faafitaanka CRONA isla markaana ay u badbaadin lahayd bukaanada la ildaran cudurka ee ku jira Isbitaalada FAlastiin.
Xarumaha caafimaadka iyo isbitaalada waaweyn ee Falastiin ayaa dedaal ugu jira xakamaynta COVID19, balse waxaa jirta xaalad khatar badan oo cudurka la xiriirta, taasoo sababtay inay sii kordhaan dadka u dhintay cudurka iyo dadka uu haleelay gudaha Falastiin.
Xaaladda cudurka Crona ee Falastiin ayaa mid aan la arkin bilowgii cudurka taasoo xaaladda ka dhigaysa mid ka culus sidii hore una baahan in laga caawiyo Dawladda Falastiin inay xakamayso cudurka.
