Wasaaradda Caafimaadka Galmudug ayaa maanta magaalada Dhusamareb tababar uga furtay 42-ka mid ah shaqaalaha ka howlagala in ka badan 20- xarumood oo ku yaala guud ahaan degmooyinka Dowlad Goboleedka Galmudug.
Tababarkan oo socon doona mudo labo maalmood ah ayaa lagu barayaa ka qaybgalayaasha lasocodka xaaladaha faafitaanka cudurada Jadeecada iyo Daacuun caloolaha.
Agaasimaha Waaxda Daawada iyo Saadka ee Wasaaradda Caafimaadka Galmudug, Dr Cabdirisaaq Cabdullaahi Maxamed oo daah furay ayaa tilmaamay in tababarkan uu ahmiyad u leeyahay shaqaalaha loo soo xuley in ay ka qayb galaan.
Agaasimaha Waaxda Qorsheynta iyo Siyaasadda ee Wasaaradda Caafimaadka Galmudug, Mudane Cabdixakiin Maxamed Diiriye ayaa shaqaalaha caafimaadka ee fursadan helay kula dardaarmey in ay kororsadaan aqoon dheeri ah, si loo dhimo saameynta faafitaanka cuduradan.
