Wasiirka Wasaaradda Gaadiidka iyo Duulista Hawada ee Xukuumadda Federaalka Soomaaliya Mudane Duraan Axmed Faarax iyo Agasimaha Hay’ada Duulista Rayidka Mudane Axmed Macalin Xasan ayaa si wadajir ah kormeer shaqo ku tagey garoonka Diyaaradaha Degmada Dayniile.
Ujeedka socdaalka Wasiirka Wasaaradda Gaadiidka iyo Duulista Hawada Soomaaliya iyo Agaasimaha hay’adda Duulista ayaa ahayd u kuurgelidda xaaladda garoonka, si xamuulka uga yaraado Garoonka Diyaaradaha Aadan Cadde, loona helo Garoonkale oo loo adeegsado duulimaadyada Gudaha ee Rayidka.
Wasiir Duraan ayaa warbixin ka dhageystay Guddoomiyaha Degmada Deyniile iyo Mas’uuliyiin kale oo ku saabsan hannaanka uu garoonka u shaqeyn karo, haddii uu helo dib u dayactir.
