Wasaaradda caafimaadka iyo daryeelka bulshada ee dowlad Goboleedka Hirshabeelle ayaa maanta tababar ku saabsan wacyigelinta cudurka Coronavirus u furtay xubno laga kala keenay deegaannada Hirshabeele.
Cuduka Coronavirus oo dunida ku sii faafaya ayna cadeeysay Wasaarada Caafimaadka Xukuumadda Federaalka Soomaaliya in laga helay gudaha dalka kiisas la xiriira cudukaasi.
Xubnahaani ayaa muddada ay qaadanayaan tababarka waxaa loo diyaarinayaa sidii bulshada ay u fahamsiin la haayeen khatarta COVID-19 iyo sida looga hortagi karo.
Guddoomiyaha Degmada Jowhar Cismaan Maxamed Mukhtaar ayaa ka codsaday ka qeyb galayaasha tababarka inay ka faa’iideystaan fursadan oo ay ka qeyb qaataan wacyigelinta bulshada.
Wasiiru dowlaha Wasaaradda Caafimaadka ee dowlad goboleedka Hirshabeelle Muxudiin Mukhtaar Macalin ayaa kula dar daarmay xubno ka qeyb galay tababarka inay casharada ay si fiican u qaataan, ayna xoojiyaan sidii ay bulshada u gaarsiin lahaayeen wacyigelinta looga hortagayo cudurka COVID-19.
Maalmihii la soo dhaafay ayaa caasimadda Hirshabeelle ee Jowhar ka soconayay wacyigelinta cudurka Coronavirus.
