Wasiirka Caafimaadka Xukuumadda Federaalka Soomaaliya Drs Fawsiyo Abiikar Nuur ayaa ka warbixisay ahmiyadda shir looga hadlayay ka hortagga cudurka Caronavirus oo ay maanta la qaadatay Wasiirada caafimaadka dowladaha xubnaha ka ah Federaalka.
Shirkan oo socon doono muddo labo cisho ah ayaa ah mid looga hadlayo diyaar garowga iyo ka hortaga cudurka COVID-19, waxaana dood dheer kadib la isla gartay in bulshada la siiyo oo dhanka wacyigelinta ah.
Related posts
Wasiir Fawsiya oo daah furtay shirka ayaa sheegtay in ilaa iyo hadda ay Wasaaraddu shaacisay hal kiis oo la xiriira cudurka Coronavirus, isla markaana muwaadinka uu hadda fiicanyahay, ayna rajeyneyso in maalmaha soo socda uu ka bogsan doono.
โHal kiis ayaa sheegnay qofkii aad ayuu u fiicanyahay hal maalin xitaa qandho ma qabaninin, marka waxaan rabnaa inaan wada jir uga hortegno oo aan hal mel uga soo wada jeesanoโ ayay tiri Drs Fawsiya.
Drs Fawsiya ayaa xustay in uu jiro qorshe guud oo ku saabsan sidii wada jir looga hortegi lahaa caabuqa Coronavirus oo dhibaato ku haya caalamkan.
Wasiirka Caafimaadka Xukuumadda Federaalka Soomaaliya Drs Fawsiyo Abiikar Nuur ย ayaa tiri โQorshaha ka hortagga iyo xakameynta cudurka Coronavirus ayaa ah howl noo wada taaloโ.
Qaar ka mid ah Wasiirada caafimaadka ee Maamul goboleedyada qeybta ka ah dowladda Federaalka ayaa sheegay inay xoojin doonaan wacyigelinta bulshada, ayna diyaar u yihiin ka qeyb qaadashada tallooyinka ku aadan ka hortagga iyo xakameynta cudurka COVID-19.
