Wasaarada caafimaadka ee xukuumadda Soomaaliya ayaa gudiyadda heerka qaran ee kala ah gudiga dabagalka iyo wax qabashadda waxyaabaha keena dhimashadda hooyadda uurka leh iyo gudiga wax ka qabashadda wax loo yaqaan isku furanka haweenka ku yimadda xiliga dhalmadda,oo wasaaradda cafimaadka ay saartay si wax looga qabta arrinta walaca dhalisay ee korarka heerka dhimashadda hooyadda uurka leh ayaa gudiyadaasi waxaa ay ka kala socdeen wasaaraddaha xukuumadda iyo Dhakhaatiir.
Dr. C/qaadir Weheliye Afrax oo ah la taliyaha xafiiska taranka ee wasaradda caafimaadka ayaa sharaxay xaaladda waqtigaan ee heerka dhimashada hooyadda uurka leh iyo dariiqa looga hortgikaro, in lixdii kun ee haween ah ee uur leh in ay geeriyooto 1044 oo kamid ah, isla markaana taasi ay tahay dhibaato aad u daran loona baahan yahay in wax laga qabto.
Dr. C/risaaq Axmed Yuusuf aha agaasimaha dawadda iyo qalabka ee wasaaradda caafimaadka ayaa sidoo kale xusay in heerka dhimashadda hooyadda uurka leh lagu yarayn karo saddax waddo.
“Waxaa lagu yareynkara dhimashadda hooyadda uurka leh in la hello umuliso xirfad leh,xarun ,caafimaad iyo in la kala dheereeyo dhalmadda carruurta” ayuu yiri Yusuuf.
Wasiir ku xigeenka wasaaradda caafimaadka Cismaan Max’ed Cabdi ayaa xusay in gudiyadda looga baahan yahay in wax ka qabtaan dhamaan dhibaatooyinka heysa haweenka Soomaaliyeed.
Wasiirka caafimaadka xukuumadda Soomaaliya Dr.Xaawo Xasan Max’ed ayaa ka hadashay muhiimadda gudiyadda ay wasaaradda ay sameysay u jeedka laga leeyahay ay tahay in wax laga qabto dhibaatadan baaxadda leh oo heysata haweenka Soomaaliyeed.
“Gudigaan waa heer qaran marka waxaa dhiman midka heer gobol ah ,waxaana u aragnaa in mashaakilka jira lagu xalin karo dhibaataadda naga haysta caafimaadka hooyada uurka leh ” ayay tiri wasiir Xaawo.
Wasaaradda caafimaadka ee xukuumadda Soomaaliya ayaa wadda qorsho ay ku doonayso in ay wax uga qabato dhibaatada caafimaad darada ah oo heysata haweenka Soomaaliyeed, waxayna gudiyadan looga fadhiyaa in ay la yimaadaan talaabooyin lagu xakamaynaayo isla markaana lagu yareyn karo waxyaabaha keena dhimashada hooyada uurka leh.
Wasiirka Wasaaradda Arrimaha Dibadda oo kulan sagootin ah la yeeshay Safiirka Itoobiya.
Wasiirka Wasaaradda Arrimaha Dibadda iyo Iskaashiga Caalamiga, JFS Mudane Cabdisalaam Cali, ayaa maanta qaabilay Safiirka Jamhuuriyadda Federaalka Dimuqraadiga Itoobiya ee...
