Wasaaradda Caafimaadka iyo Daryeelka Bulshada ee Xukuumadda Federaalka Soomaaliya, gaar ahaan Qeybta Caafimaadka Indhaha (Eye Health) ayaa soo gaba-gabeeysay Tababar 6 Maalmood soconayay kaas oo kor loogu qaadayay Xirfada Shaqaalaha Caafimaadka ee ka howlgala xarumaha Caafimaadka ee Gobolka Banaadir.
Tababarkan ayaa waxa uu ku saabsanaa sidii xarumaha caafimaadka looga hirgalinlahaa Adeegga Daryeelka Aas-aasiga ee Indhaha (Primary Eye Care ) ayadoo laga bilaabaayo in lagu tababaro shaqaalaha caaafimaadka in ay bixiyaan adeegga Primay Eye Care ee xarumaha ay ka howlgalaan
Tababarka waxaa ka faa’iideeystay 60 Xirfalayaal Caafimaad, kuwaas oo laga rajeynayo Insha’Allaah in eey ka qeybqataan ka hortaga iyo xakameynta Indha la’aanta.
