Wasaaradda Caafimaadka iyo daryeelka bulshada qeybta Tababarada (Internship and Training program) ayaa maanta Isbitaalka Banaadir ku qabatay siminaar ku saabsan diyaarinta iyo maareynta qeybaha Dhiiga.
Munaasabadan oo lagu xusayey maalinta caalamiga ah ee Dhiig bixinta ayaa waxaa ka qeyb galayΒ 60 qof oo isugu jira ardayda barata culuumta shaybaarka, Nursing iyo xirfadlayaal caafimaad si ay u bartaan hababka ugu wanaagsan ee loo maareeyo dhiig shubida.
Related posts
Ka qeyb galayaasha siminaarka ayaa lagu baray mabaadii’da diyaarinta iyo keydinta dhiigga,Β nidaamka badbaadada bukaanka ,iyo muhiimadda ay leedahay hubinta iyo baaritaanka dhiigga bukaanka loogu deeqo.
Inta uu socday siminaarka, ka qaybgalayaashu waxay fursad u heleen in ay koox koox u sameeyaan tijaabo baaris oo ku saabsan maaraynta dhiig-shubidda.
Siminaarka ayaa sidoo kale lagu muujiyay muhiimadda ay leedahay helitaanka dhiig la hubiyay si loo ilaaliyo badqabka bukaanada.
Munaasabadda ayaa ku soo idlaatay guul, iyada oo ka qeyb galayaashu ay heleen aqoon iyo xirfado ku saabsan Maareeynta dhiig-shubidda iyo hubinta badbaadada bukaanka.
Wasaaradda Caafimaadka iyo daryeelka bulshada Xukuumadda Federaalka Soomaaliya waxaa ka go’an joogteynta tababarada sare loogu qaadayo aqoonta Xirfadlayaasha Caafimaad si loo helo Caafimaad tayo sare leh.
