Kulanka oo maalintii labaad galay waxa hormuud ka ahayd wasaarada caafimaadka koonfur galbeed oo kulanka ka qeyb gelisay maamulka gobolka bakool isuduwayaasha wasaarada caafimaadka gobolada bakool iyo baay iyo shabeellaha hoose.
Kulanka oo maalintii labaad saacado badan qaatay ayaa waxaa warbixino laxiriira waxqabadka hay’adaha iyo muhiimada gobolka u leeyihiin degnaashiyahooda laga dhegeystay hay’adaha shirka lagu casuumay.
Cabduqaadir Maxamed Xasan Madaxa Mashruuca RCRF ee wasaarada caafimaadka Koonfur Galbeed ayaa sheegay in ay ka wasaarad ahaan ku faraxsan yihiin in hay’adaha waxqabad kooda soo bandhigaan iyadoo maamulkiiina goob joog yahay.
Guddoomiyaha degmada xuddur Maxed Macalin Axmed iyo guddoomiye kuxigeenka samafalka gobolka Bakool Cumar Daa’uud Khaliif ayaa ka mahdceliyey shir heer gobol ah in xuddur lagu qabto waxana ay hay’adaha kula dardaarmeen in si dhab ah u wataan waxa ay soo bandhigeen.
Gebagebadii shirka waxa soo xirey wasiir kuxigeenka wasaarada caafimaadka Koonfur Galbeed Cismaan Cabdi Muuse oo u mahadceliyey Hay’addaha waxqabadkooda soo bandhigay.
