Agaasimaha guud ee wasaaradda gaadiidka iyo duulista hawada ee maamulka Jubba land Saacid Cabdullaahi Macallim Maxamed oo la hadlayay Radiomuqdisho ayaa waxaa uu sheegay iney jirtay baahi weyn oo dhammaan shacabka Soomaaliyeed ay uqabeen duullimaadyada caalamiga ah,waana arrin aan aad uga warqabnay oo mudan in la soo dhaweeyo sidaas darteed ayaan innaguna waxaan si buuxda u soo dhaweyneynaa, go’aankii golaha wasiirrada ee dowladda federaalka ah ka soo baxay ee ku aaddanaa dib u furista duulimaadyada heerka caalami.
Agaasime Saacid Cabulaaahi oo hadalkiisa sii wata ayaa waxa kale uu sheegay in ay garowsanyihiin dhibaatada xanuunka COVID19 uu weli ku hayo caalamka,isla marahaantaana ay ku dadaali doonaan sidii looga digtoonaan lahaa oo loo qaadan lahaana awaamiirta iyo talooyinka loogaga hortegi karo cudurkaas ee ay dhaqaatiirta iyo wasaaradaha caafimaadku ay soo gudbinayaan.
ugu dambeyn agaasimaha wasaaradda gaadiidka iyo duulista hawada ee maamulka Jubba land Saacid Cabdullaahi Macallim Maxamed waxaa uu u mahadceliyay wasiirka wasaaradda gaadiidka ee dowladda federaalka ah isagoo uga mahadceliyay wadashaqeynta wanaagsan ee ay wasaarada dowlada dhexe ee dalka ay la leedaahey Wasaaradaha dowlad-goboleedyada iyo sida ay had iyo jeer ugu dadaalayaan horumarinta garoomada diyaaradaha ee ku yaalla degmooyinka Jubba-land.
