Wasiirka Wasaaradda Ganacsiga iyo Warshadaha Xukuumadda Federaalka Soomaaliya Mudane Jabriil Cabdirashiid ayaa maanta shir ku saabsan dar-dar-gelinta hawlaha shaqo ee hay’adda Tayo-dhowrka Soomaaliyeed la qaatay Madaxda Wasaaradda , isagoo halkaas warbixinno kaga dhageystay sii hayaha xilka Maareeyaha Hay’adda Marwo Xaawo Axmed Xasan, Agaasimeyaasha iyo qaar ka mid ah la-taliyeyaasha hay’adda inta ba, iyaga oo halkaas ku soo bandhigay qorshahooda sanadka 2023, waxyaabahii u qabsoomay sanadkii hore iyo weli ba sidoo kale caqabadaha jira.
“Ka Wasaarad ahaan, waxa naga go’an ilaalinta bad-qabka caafimaad ee noolaha iyo bii’adda iyo sidii dalka looga joojin lahaa badeecadaha tayadoodu hoosayso ee la innoo soo dhoofiyo kuwaas oo khatar caafimaad ku ah shacabka Soomaaliyeed”.ayuu yiri Wasiir Jabriil.
Wasiirka ayaa Mas’uuliyiinta hay’adda, waxa uu kula dardaarmay xoojinta wada-shaqeynta, isla-xisaabtanka, dar-dar-gelinta hawlaha shaqo ee horyaala iyo inay mas’uuliyad culus iska saaran siddii sanadkan loo xaqiijin lahaa balan-qaadka wax-qabad ee hay’adda.
