Wasaaradda Gaashandhigga Xukuumadda Federaalka ayaa wada qorshe ay ku Hirgalineyso Warshad casri ah oo soo saarta dareeska iyo qalabka Ciidamada Xoogga, iyada Wasaaraddu sheegtay in horumaro laga sameeyay howlgallada ka soconaya Dalka.
Wasiirka Gaashaandhigga Xukuumadda Soomaaliya Mudane Cabduqaadir Sheekh Cali Diini ayaa sheegay in ciidamada xoogga dalka ay gaareen guulo badan taas oo wax badan ka badashay Nolosha dad badan oo ku noolaa goobihii laga saaray kooxda shabaab oo intii ay ku sugnaayeen dhibaato u gaysan jiray dadkaas iyo Hantidooda.
“Guulaha la gaaray Umadda Soomaaliyeed iyaga oo ku faanaya ciidamada xoogga Dalka iyo AMISOM,waxaa la gaaray guulo la taaban karo guula haa soo ay ugu Dambaysay qabsashada, Diinsoor, Baardheere iyo meelo kale oo ka tirsan Baay Bakool si dookale meelo kale oo ka tirsan Gobollada dhexe, hadda qorsheheennu waxa uu yahay in ciidamada xoogga oo si wada jira u howlgalaya in Gacanta Shabaab laga saaro Goobaha kale oon isleenahay way joogaan” Ayuu yiri Wasiirka Gaashandhigga.
Dhanka kale Wasiir Diini ayaa sheegay in dhawaan la hirgalin doono warshad Casri ah oo soo saari doonta Qalabka Ciidamada xoogga dalka ay ku howlgalaan.
“ Dhawaan waxaan Hirgalin doonnaa sida ugu dhaqsaha badanwarshad weyn oo Soo saarta dharka Ciidamada Xoogga taa soo haqabtiri Doonta bahida Qalabka ciidamada Xoogga dalka, marka loo baahdo ciidamada Asluubta ciidamada Boliiska iyo Nabad Sugidda, waxa ayna dabooli doontaa Baahida Ciidamada Qaranka”
