U jeedka kulankan maanta ka dhacay Gaalkacyo ayaa aheyd dhiirigelinta ka qeybgalka siyaasadda dumarka, gaar ahaan golaha degaanka magaaladaas, sida ay sheegeen mas’uuliyiinta wasaaradda haweenka Galmudug oo kulanka soo qaban qaabiyay.
Odayaasha dhaqanka ayaa laga codsaday in ay fursad siiyaan gabdhaha, maadaama ay yihiin qeyb muhiim ah uu bulshada ka tirsan.
Wasiiru dowlaha arrimaha gudaha Galmudug, Axmed Xasan Cali, oo kulanka ka hadlay ayaa sheegay in aan la aqbali doonin in gabdhaha laga takooro ka qeybgalka siyaasadda.
Qaar kamid ah odayaasha ka qeybgalay kulanka ayaa soo dhoweeyay in haweenka door ka qaataan siyaasadda gaar ahaan dhismaha golaha degaanka magaalada Gaalkacyo.
Wasiirka wasaarada Amniga Galmudug Axmed Macalin Fiqi wasiirka Arimaha Gudaha Galmudug Cabdi Maxamed Jaamac iyo Wasiirka wasaarada Haweenka Galmudug Ubax Xuseen Dhiblaawe oo gunaanadkii kulanka ka hadlay ayaa bogaadiyay balan qadyada odayaasha dhaqanka ee ku aadan ka qeyb galinta haweenka ee xubnaha golaha deegaanka Dagmada Galkacyo.
