Haweenka doonaya ka mid noqoshada Baarlamaanka Galmudug ayaa Bilihii la soo dhaafay waxa ay ka arin sanayeen si ay uga soo muuqan lahaayeen Baarlamaanka Labaad ee Galmudug kaas oo hada dhismihiixu uu marayo Meel Gabo gaba ah.
Wasaaradda haweenka iyo Xuquuqul insaanka Galmudug ayaa Xalay Kulan Wadatashi ah u qabatay Haweenka doonaya ka Qaybgalka Baarlamaanka waxa ayna ka kala yimaadeen Deegaanada Galmudug waxa ayna isu imaatinkooda Diiradda ku saareen sidii ay Door Muuqda ugu yeelan lahaayeen Arimaha Siyaasada Galmudug gaar ahaan ka mid noqoshada Golaha Wakiilada Galmudug.
Related posts
Naciimo Maxamed Catoosh oo sii haye ka ah Wasaarada Haweenka iyo Xuquuqul insaanka Galmudug ayaa Kulanka oo Laba Ceshe socon doona furtay waxa ayna faah faahin ka bixisay Kulanka iyo waxa uu ku saabsan yahay iyo Doorka Haweenku ku yeelan karaan Arimaha Siyaasada iyagoo Bulshada inteeda kale kaashanaya.
Doodaha ku saabsan in Haweenku ka soo muuqdaan Baarlamaanka ayaa si loo hadal hayey Bilihii aynu ka soo gudubnay waxa ayna mar waliba isku dhiirigaliyaan sidii ay Kaalin muuqata ugu yeelan lahaayeen Dhismaha Maamulka Galmudug iyadoona hada soo xulista Baarlamaanku uu marayo Meeshii ugu dambaysay.
