Kulankan wada tashiga ah ee ay soo qaban qaabisay Wasaaradda Haweenka iyo horumarinta xuququl insaanka ee Xukuumadda Federaalka Soomaaliya ayaa waxaa looga tashanayaa siyaasadda Qaran ee gudniinka gabdhaha, waxaana kulanka ka qeyb galay wakiilo ka socday maamul goboleedyada dalka ka jira iyo ururrada bulshada rayidka.
Furitaanka kulanka oo ay goob joog ka ahaayeen Wasiirka haweenka iyo horumarinta xuquuqul insaanka ee xukuumadda federaalka soomaaliya, Wasiir ku-xigeenka iyo agaasimaha guud ee Wasaradda, waxaana looga hadlay dhibaatada bulshada gaar ahaan gabdhaha uu ku haayo gudniinka fircooniga ah.
Related posts
Drs Nuurto Sheekh Maxamuud ayaa ka hadashay marxaladihii uu soo maray dadaalka lagu cirib tirayo gudniiinka fircooniga ah iyo hada sida loogu baahanyhay in lasii xoojiyo
โMarxaladii ugu horeysay ee lasoo maray waxa ay aheyd 2004,tii dowladii KMG aheyd oo shirar caalami ah oo laga hadlayo la qabtay, waxaana joogay dad qubaro ah oo caalamka ka yimid iyo kuwa Soomaaliya joogay intaba, intaas intii ka horeysay iyo intii ka dambeysayba si aad ah ayaa gudniinka fircooniga ah loola dagaalamayโ.
Agaasimaah guud ee Wasaaradda haweenka iyo horumarinta xuquuqul insaanka Soomaaliya Maxamed Cumar Nuur ayaa rajo wanaagsan ka muujiyay in sanadaha soo socda ololaha la dagaalanka gudniinka fircooniga ah guulo laga gaari doono.
Wasiir ku-xigeenka Wasaaradda Haweenka iyo Horumarinta xuquuqul insaanka Soomaaliya Muumina Sheekh Cumar ayaa sheegtay in Wasaaradda ay dadaal ugu jirto sameynta sharciga ka hortaga gudninka fircooniga ah.
โWaxa aya Wasaaradda maanta u taagantaahy in la helo sharci lagu hagayo gudniinka fircooniga ah, waad ogtihiin gabdhaha Soomaaliyeed dhibaatada ay kala kulmaan gudniinka fiircooiga ah, marka maanta waxaan u taaganahay in arinaas sharci rasmi ah laga soo saaroโ.ayay tiri Wasiir ku-xigeenka Haweenka.
Wasiirka haweenka iyo horumarinta xuquuqul insaanka Soomaaliya Sahra Maxamed Cali Samatar ayaa sheegtay in Wasaaradda haweenka ay ka goโantahay cirib tirka gudniinka fircooniga ah.
โWaxaan idinka codsanayaa maskax iyo caqli idin kuma yara, waxaan halkaan u fadhinaa inaan soo afjarno, sheekadaan iska daba dheeraatay ee gudniinka fircooniga ah la xiriirta oo aan kasoo saarno sharci rasmi ahโ.
Wasaaradda haweenka iyo horumarinta xuquuqul insaanka ee xukuumadda Federaalka Soomaaliya ayaa xoogga saareyso in la helo sharciga ka hortagga xadgudubka dumarka.
