Tababarka haweenka la siiyay oo ay iska kaashanayeen Wasaaradda Kaluumeysiga iyo Kheyraadka Badda, Hay’adda QM u qaabilsan Cunnada iyo Beeraha ee “FOA” iyo Jaamacadda Daarul Xikma ayaa Xubnaha ka tirsan Dowladda Soomaaliya ee ka qayb galay waxaa ka mid ahaa wasiirka Kalluumeysiga iyo Kheyraadka Badda Soomaaliya Mudane Maxamed Cumar Ceymooy, Wasiir ku xigeeenka Haweenka iyo Xaquuqul insaanka Xukuumadda Soomaaliya Marwo Muumino Sheekh Cumar Agaasimaha Guud ee Wasaaradda Kaluumeysiga Axmed Maxamed Iimaan iyo mas’uuliyiin kale waxaana kulankaas lagu soo xiray tababar muddo Usbuuc ah u socday Haweenka ka Ganacsada Kalluunka.
Ugu horeyn waxaa ka hadlay goobta Sahro Muxudiin Axmed oo ku hadashay haweenka ka faa’iideeystay Siminaarka Magacooda waxaana ay ka hadashay waxyaabihii la baray mudadii todobaadka ahayd ee uu socday.iyadoo sheegtay in wax badan ay ka fahmeen ka ganacsiga kalluunka oo ka mid ah Kheyraadka alle uu nagu manaystay.
Dr Xasan meyre Nuur oo ka tirsan Maamulka Jaamacadda Daarul Xikma iyo Xuseeen Cali Axmed xiriiriyaha Hay’adaha Cunnada iyo Beeraha u qaabilsan QM ee “FOA” ayaa ka hadlay xiritaanka tababarka waxaana ka sheekeeyeen haweenkani waxyaabihii ay ka faa’iideen.oo ay ku sheegeen in ay ahayd in waqti hore la baro.
Wasiir ku xigeeenka Wasaaradda Haweenka iyo horumarinta Xaquuqul insaanka Muumino Sheekh Cumar ayaa waxaa ay wasaarada kalluumeysiga uga mahadnaqday sida ay isugu howshay in haweenka kalluunka ka ganacsada la baro aqoonta la xiriirta Xirfadooda.
Wasiirka Kalluumeysiga iyo Kheyraadka Badda Xukuumadda Soomaaliya mudane Maxamed Cumar Ceymooy oo gababadii ka hadlay ayaa sheegay in muhiimad weyn ay u tahay wasaaradda in haweenka xirfadahooda kor loo qaado isagoo sheegay in wasaaraddu ay dardargalin doonto in dadka la baro qaabka ugu sahlan ee khayraadka wabiga loogala sooboxo.
