Wasaaradda Kalluumeysiga iyo Kheyraadka Badda ee Dowlad Goboledka Jubbaland ayaa Maanta tababar Muddo saddex maalin u socday 50 Kallumeysato oo laga soo xulay Jaziiradaha Raaskamboni. Buurgabo, Kudhaa. Madhabo. Juulo. Jawaay .Istanbuul. Koyaame. ugu soo xirtay magalada Kismayo ee xarunta Gobolka Jubbada Hoose.
Tababarkan ayaa la xiriiray sida looga hortagi lahaa xaalufinta Kheyraadka Badda iyo sidii loo ilaalin lahaa ugxaanta Qubada, Argosatada iyo Kalluunka yar yar ee aan loo baahneen in laga soo saaro badda.
Qaar ka mid ah Kalluumeysatada Muddada saddexda Maalmood tababarka qaatay ayaa sheegay inay wax weyn ka faa’iideysteen tababarka, iyagoo shegay in markii hore ay soo saari jireen ugxaanta Qubada, Argosatada iyo Kalluunka yar yar laakin hadda ay aqoon ay u yeesheen in ay mamnuuc tahay in Bannanka loo soo Saaro.
Wasiirka Wasaaradda Warfaafinta iyo Isgaarsiinta ee Dowlad Goboledka Jubaland Cabdi Nuur Cali Adan oo xiritanka tababarka ka hadlay ayaa sheegay inay muhiim tahay in tababaro badan la siiyo Kalluumeysatada si ay oga hortagaan xaalufinta Kheyraadka badda.
Wasiirka Wasaradda Kallumeysiga iyo kheyraadka Badda ee dowlad Goboleedka Ibraahim Xasan Cabdi Baajuun oo gaba gabadii tababarka soo xiray ayaa kula dardaarmay 50 ka Kallumeysato ee tabbabarka loo soo xiray in waxa ay barteen ay uga faa’iideeyaan bulshada kale si loo ilaaliyo Kheyraadka Baddeena ku jirta.
