Wasaaradda Owqaafta iyo arrimaha diinta ayaa ugu baaqday culumaaโudiinka Soomaaliyeed in ay u istaagaan wacyigelinta bulshada si looga hortago afkaarta qaldan ee xag jirnimada ah.
Wasiirka wasaaradaasi C/qaadir Sheekh Cali Baqdaadi oo ka hadlay munaasabad uu xilka kula wareegayay ayaa sheegay in wasaaraddiisu ay xil weyn iska saari doonto ka hortagga afkaarta xagjirnimada ah, isagoo ku boorriyay culumaaโudiinka Soomaaliyeed iney kordhiyaan wacyigelinta bulshada.
โWaxaan ugu baaqayaa culumada meel kastoo ay joogaan inaan u wada istaagno nooleynta Diinta, islaamka iyo sunnada nabiga, taasina waa door muhim ahโ ayuu yiri wasiirka cusub ee wasaaradda Owqaafta iyo arrimaha Diinta C/qaadir Sheekh Cali Baqdaadi.
Wasiirka ayaa hoosta ka xariiqay in wasaaraddu ay mudnaanta sii doonto wacyigelinta si bulshada loogu baraarujiyay samaha islamarkaana looga hortago afkaarta gurracan ee xag jirnumada ah.
