Shirkaan oo ay si wada jir ah u soo qaban-qaabiyeen Wasaaradaha Qorsheynta Dowlada federalka iyo tan Maamulka Hirshabeelle ayaa looga wada arinsanayaa sidii looga wada shaqeyn lahaa ka qeyb qaadashada qorshaha horumarinta Qaranka Sagaalaad.
Wasiirka Wasaaradda Qorsheynta Dowlad gobaleedka Hirshabeelle Abuukaate Guuleed C/llaahi Macalin oo Wareysi uu siyey Radio Muqdisho waxaa uu kaga hadlay waxyaabaha Shirkaas looga hadlay,Waxaana uu Sheegey in Shirkan looga arrinsanayo Sidii Bulshada reer Beldweyne ay usoo gudbin lahaayeen Qorshahoda Shanta sano ee Socota.
Wasiirka Qorsheynta Hirshabeelle abuukaati Guuleed ayaa intaa ku darey in qeybaha bulshada ay la kulmeen waxaana uu sheegay iney xoogga saari doonaan arrimaha amniga iyo kaabayaasha dhaqaale, iyadoo maamulku uu si gaar ah cabasho uga muujiyey arrimha fatahaadaha ee kusoo laalaabtay gobalka gaar ahaan magaalada Belewyne.
Wasiirka ayaa sidoo kale waxa uu sheegay in kulamadaan wadatashiga ah ee ka socoda gobolka Hiiraan uu qeyb ka yahey arrimaha qaxootiga in xal waara loo helo oo dadka la deegaameeyo si Iskuullo iyo Caafimaad dhameystiran ay u helaan.
