Wasaaradda shaqada iyo arrimaha bulshada xukuumadda federaalka Soomaaliya ayaa maanta wada-tashi kala yeelatay wasaaradda Maaliyadda XFS sharciga howlgabka shaqaalaha rayidka dowladda oo ay diyaarineyso wasaaradda shaqada iyo arrimaha bulshada.
“Maanta, waxaan wada-tashi kala yeelanay Wasaaradda Maaliyadda Sharciga Howlgabka Shaqaalaha Rayidka Dowladda oo ay diyaarinayso Wasaaradda Shaqada iyo Arrimaha Bulshada”ayuu yiri wasiirka shaqada.
Wasiirka shaqada iyo arrimaha bulshada ayaa sheegay in sharcigaan uu hadda marayo heer gaba-gabo ah, isagoo tilmaamay in uu xuquuq siin doono shaqaalaha howlgebka ah.
“Sharcigan oo hadda gabagabo inoo maraya, wuxuu xaquuq siin doonaa Shaqaalaha Rayidka Dowladda ee Howlgabka noqda. Dowladda Soomaaliya oo dedaal galisay xaquuqda joogtada ah ee Shaqaalaha Dowladda ayaa hadda diiradda saaraysa si dhaqso ah in Shaqaalaha Howlgabka ah ay xaquuq heli doonaan”ayuu yiri wasiir Sadiiq Warfaa.
