Wasaaradda Warfaafinta Dhaqanka iyo Dalxiiska Xukuumadda Fedaraalka Soomaaliya oo Daah furtay Wejiga Labaad ee Wadatashiga Diyaarinta Istaraatijiyadda Qaranka ee Warbaahinta iyo Wada-Xiriirka oo ay ka qeyb galayaan Dowlad Gobaleedyada iyo Gobalka Banaadir.
Kulankan oo ay soo qaban qaabisay Wasaaradda Warfaafinta Dhaqankan iyo Dalxiiska Xukuumadda Federaalka Soomaaliya,ayaa waxaa ka soo qeyb galeen Agaasimaha Guud ee Wasaaradda Warfaafinta Dowladda Federaalka Soomaaliya, Mas’uuliyiin isagu jirtay Aggaasimeyaasha Guud, Agaasimeyaasha Waaxyaha Wasaaradaha Warfaafinta ee Dowlad Goballeedyada, Agaasimaha Guud ee Warfaafinta Gobalka Banaadir, qaar ka mid ah Agaasimeyaasha waaxyaha Warfaafinta Xukuumadda Federaalka Soomaaliya iyo Khuburro fududeynaya shirka.
Shirka Wadatashiga,ayaa mas’uuliyiinta ka qeyb galaya ayay kaga doodayaan muhiimadda iyo Baahida loo qabo xafiiska mideynta Warbaahinta Dowladda si loo helo Xafiis loo dhanyahay oo ka shaqeeya fariimaha Dowliga ah oo sugan, xafiiskaasi oo loo soo gaabiyo GCO si looga baxo wararka ay baahinayaan xafiisyada hay’adaha Dowladda Federaalka, Dowlad Gobaleedyada iyo Gobalka Banaadir wararka iska hor imaanaya ee ka soo baxa xafiisyada Dowladda Federaalka Soomaaliya.
Agaasimaha Guud ee Wasaaradda Warfaafinta Dhaqanka iyo Dalxiiska,ayaa furay Wejiga Labaad ee Wadatashiga Diyaarinta Istaraatijiyadda Qaranka ee Warbaahinta Iyo Wada-xiriirka Dowlad Gobaleedyada Iyo Gobalka Banaadir.
Wasaaradda Warfaafinta oo kaashaneysa xafiisyada Wada-xiriirka ee hay’adaha Dowladda Federaalka Soomaaliya, Dowlad Gobaleedyada iyo Gobalka Banaadir, ayaa wada dadaal lagu dhameystirayo istaraatiijiyaddan iyo xoojinta xafiiska isku xirka iyo mideynta Farriimaha dowladda heerarkooda kala duwan,si aysan u dhicin ismaan dhaaf la xariira warbaahinta dowladda.
