Ardaydan oo tira ahaan gaaraya 223-arday oo horey nasiib ugu soo yeeshay iney helaan deeq waxbarasho oo ay bixisay Dowladda Ethiopia ayaa 46 kamid ah ardaydaasi ay diyaarin doonaan Darajada labaad ee Waxbarashadooda Jaamacadda, iyadoo 177- Arday oo u baxaya heerka koowaad ee waxbarashada Jaamacadda ay soo baran doonaan kulyado kala duwan oo ay kamid yihiin Caafimaadka, Beeraha iyo qeybo kale oo muhiim ah, iyaga oo tagi doona gobolo iyo magaalooyin kala duwan oo Dalka Ethiopia ah.
Safiirka Dowladda Ethiopia ee Soomaaliya Jamaaludiin Mustafa oo kahadlayey munaasabadda lagu sagootinayey Ardayda ayaa sheegay in deeqdan waxbarasho ay la socdaan dhamaan adeegyadii ay u baahnaayeen ardayda.
Ardayda u baxaya deeqda waxbarasho oo ka kala yimid dhamaan deegaanada Dowlad-goboleedyada dalka ayaa sheegay iney u mahad celinayaan Dowladaha Soomaaliya iyo Ethiopia oo fursad u siiyey iney sii hormariyaan waxbarashadadooda, islamarkaana ay ka faaiideysan doonaan deeqdan.
Wasiiru dowlaha Wasaaradda Waxbarashada Soomaaliya Xildhibaan C/raxmaan Maxamuud Cabdulle ayaa tilmaamay in deeqdan ay ku timid saaxiibtinimada labada dal iyo heshiisyo horey loo wada gaaray.
Dowladda Ethiopia ayaa sanad waliba bixisa deeqo waxbarasho, kuwaas oo Dowladda Soomaaliya si cadaalad ah ay uga faaiideyso dhalinyarada Soomaaliyeed.
