Munaasabadan oo aay soo qabanqaabisay wasaaradda Xanaanada Xoolaha Dhirta iyo Daaqa ee xukuumada federaalka ah ee SoomaaliyaΒ ayuu u jeedkeedu ahaa daahfurka mashruuca Ololaha Talaalka Ariga Β ee cudurada Jadeecada iyo furuqa si looga hortago Xanuunada ay sababaan.
Related posts
Wasiirka wasaaradda Xanaanada Xoolaha Dhirta iyo Daaqa Agaasimaha guud ee wasaaradda, Madax ka socotay heyada FAO, dhaqaatiir, aqoonyahno iyo marti sharaf kale ayaana ka qeyb galay kulankan oo aad loogu gorfeeyay muhiimada uu talaalku u leeyahay xoolaha gaar ahaan ariga.
Drs. Nuurto Sheekh Maxamuud oo ku hadashay magaca ururada ka shaqeeya arrimaha Xoolaha Β ayaa sharaxday muhiimada uu talaalkan leeyahay iyo muddada uu socon doono.
Agaasimaha guud ee Wasaaradda Xanaannada Xoolaha Maxamed Cumar Nuur Ayaa sheegay iney farxad u tahay ineey sanadkii labaad daahfuraan talaalka xoolaha si loo helo xoolo caafimaad qaba oo lagu nacfiyo.
Wasiirka Xanaanada Xoolaha Dhirta iyo Daaqa Soomaaliya Xildibaan Xuseen Maxamuud Sheekh Xuseen oo kulanka soo xiray ayaa tilmaamay ineey ahmiyad weyn siinayaan sidii loo horumarin lahaaΒ Β Β xoolaha oo ay dadka soomaaliyeed aad ugu tiirsanyihiinΒ .
Xuseen Maxamuud Sheekh Xuseen wasiirka Xanaanada Xoolaha ayaa dhinaca kale sheegay in ay wadaan dadaalo ku saabsan sidii dib loogu bilaabi lahaa xoolihii loo dhiifin jiray dalka Sacuudiga oo ay hada wadahadalo kula jiraan.
Wasaaradda Xanaanada Xoolaha Dhirta iyo Daaqa xukuumada Soomaliya ayaa sanadkiiba laba jeer fulisa Β talaalka caafimaad qabka xoolaha,Β waxaana sanadkan Β la filayaa in Β xanuunada jadeecada iyo furuqa laga talaalo in kabadan Sideed iyo labaatan milyanΒ oo ari ah oo ku dhaqan guud ahaan dalka .
