Related posts
Wasiirka wasaaradda Xannaanada Xoolaha Maamul Goboleedka Koofur Galbeed Soomaaliya, Muqtar Maxโed Guuleed, ayaa sheegay in aan la gowrici karin Neef aan la hubin Caafimaadkiisa.
Mudane; Muqtaar Guuleed, ayaa sheegay in wixii hadda ka dambeeya la baari doono caafimaadka Xoolaha lagu qalayo Kawaanka gowraca ee Magaalada Baydhaba, si loo hubiyo bed-qabka Neefka.
Ammarkan ayaa yimid markii Wasiir Guuleed, xubno ka tirsan Baarlamaanka KG iyo maamulka Dowladda hoose ee Baydhabo ay kormeer ku tageen Suuqa Xoolaha iyo Kawaanka weyn ee Magaalada Baydhabo, si ay usoo Indha-Indheeyaan howlaha gowraca Xoolaha ee halkaasi ka socda iyo heerka uu gaarsiisan yahay faya dhowrkooda.
Wasiirka ayaa sheegay iyagoo kaashanaya Wasaaradda Caafimaadka in ay billaabeen hubinta bed-qabka iyo Caafimaadka Xoolaha lagu qalo Magaalada, si looga Gaashaanto cudurro ka dhasha Hilibka la isticmaalo.
Wuxuu sheegay in ay kulammo la qaateen ganacsatada Xoolaha nool iyo kuwa ka howl-gala Kawaannada Magaalada, iyagoo kala sheekeystay sidii loo hirgelin lahaa tallaabooyinka uu maamulku qaadayo iyo awaamiirta lasoo rogay.
Sidoo kale wuxuu sheegay in ay Suuqa Xoolaha ku leeyihiin xarumo lagala socda Caafimaadka Xoolaha, isagoo xusay in ay kasoo saareen awaamiir cul-culus ciddii jebisana ay sharciga la tiirsan doonaan.
Howlahan lagula soconayo Caafimaadka Xoolaha iyo faya-dhowrka Kawaannada ayuu sheegay in dhowaan laga hir-gelin doono dhammaan degaannada Koofur Galbeed, isagoo Dad weynahana ugu baaqay in ay Xoolaha geystaan kuna soo tallaalaan xarumo Lacag laโaan ah oo laga furay Seyladda weyn ee Baydhabo.
Wasaaradda Xannaanada Xoolaha Dowlad goboleedka Koofur Galbeed Soomaaliya oo kaashanaysa Wasaaradda Caafimaadka ee maamulkaasi ayaa in dhowaalaba wadday dedaallo ay ku hubineyso bed-qabka xoolaha lagu qalo Kawaannada, si aysan Shacabka ugu gudbin Cudurro kala duwan.
