Wasiirka Arrimaha Gudaha, Federaalka iyo dib u heshiisiinta ee Xukuumadda Federaalka Soomaaliya Mudane Cabdi Maxamed Sebriye ayaa maanta deegaanka Ceeldheere ee Gobolka Galgaduud kula hadlay odayaasha dhaqanka iyo bulshada qaybaheeda kala duwan, isagoo uga sii gudbay dhanka gobolka Hiiraan.
Wasiirka iyo xubnihii la socday ayaa kulamo la qaatay qaar ka mid ah qeybaha bulshada, kuwaasi oo ka dhageystay xaaladda magaalada, maadaama dhawaan halkaasi la geeyay ciidamo boolis ah si ay uga qeyb qaataan sugidda amniga.
Deegaanka Ceeldheere ee Gobolka Galgaduud oo u dhexeeya Dhuusamareeb iyo Guriceel ayaa wafdiga Wasiirka inta ay ku sugnaayeen waxa ay kormeereen xarumaha waxbarashada, iyagoo dhiiri gelin u sameeyay ardayda halkaasi wax ka barata.
