Wasiir ku-xigeenka Wasaaradda Warfaafinta Dhaqanka iyo Dalxiiska Xukuumadda Federaalka Soomaaliya mudane Cabdiraxmaan Sheekh Yuusuf “Al-Cadaala ” oo ka qeybgalayay Barnaamij dood ah oo ka baxayay Aaladda Twitter Space-ka ee Warbaahinta Qaranka ayaa ka warbixiyay halka ay marayaan howlgallada ka dhanka ah khawaarijta iyo guulaha laga gaaray.
Wasiirka ayaa sheegay in ciidamada Qaranka ay guula waaweyn ka soo hoyeen howlgallada socda, khawaarijtana looga dilay tira aad u fara badan oo isugu jira Horjoogayaal iyo Maleeshiyaad ka tirsan khawaarijta.
Sidoo kale Wasiir Al-Cadaala ayaa tilmaamay in howlgalladii todobaadyadii ugu dambeysay ciidamada ay fuliyeen uu ahàa kuwa lagu bur-burinayay saanad ciidan iyo goobaha ay khawaarijtu ku dhuumaaleysanayeen, guulna laga gaaray oo la bur-buriyay Gaadiid iyo Maleeshiyaad fara badan oo ka tirsanaa khawaarijta.
“Howlgalladii ugu dambeeyay maalmahaan waxay ahaayeen in la burburiyo saanadooda iyo hubkooda iyo in la joojiyo isku socodka Khawaarijta.”ayuu yiri Wasiir Al-Cadaala
Wasiir ku-xigeenka Wasaaradda Warfaafinta Dhaqanka iyo Dalxiiska Xukuumadda Federaalka Soomaaliya mudane Cabdiraxmaan Sheekh Yuusuf “Al-Cadaala” ayaa sheegay in dowladda ay guul badan ka gaartay howlgalka wajiga koowaad, islamarakan ttodobaadyada soo socdo ay dhici doonaan howlgallo xoogga oo ka dhan ah kawaarijta.
Wasiirka ayaa intaa ku daray in la bur-buriyay isbaarooyin khawaarijta ay lacago baad ah uga qaadi jireen shacabka, halkaasi oo ay ku dhibateen jireen, gaar ahaan waddada xiriirisa Muqdisho iyo Baydhabo, waxaana lagu guuleystay in gebi ahaanba la burburiyo goobihii ay bulshada ku dhibaateyn jireen Khawaarijta.
