Wasiirka Wasaaradda maaliyadda Soomaaliya, mudane; C/raxmaan Ducaale Beyle, oo booqasho howleed ku jooga Dalka Maraykanka ayaa qurba joogta Soomaaliyeed kula kulmay Magaalada Washington DC, isagoo faah-faahin ka bixiyay guulaha dhaqaale ee ay Dowladdu gaadhay iyo waxyaabaha la tiigsanayo.
βSharaf ayay iitahay in aan khudbad muhiim ah ka jeediyo shirka Qurba-Joogta Soomaaliyeed ee MagaaladaΒ Washington oo aan u faa- faahiyay guulaha dhaqaale ee aan gaarnay iyo inta weli aan tiigsaneyno ku guuleysigoodaβ ayuu yiri, Wasiir Beyele.
Wasiir, Beyle ayaa qurba joogta Soomaaliyeed ku ammaanay dedaalka ay muujiyeen iyo dhaqaalaha ay soo diraan , taas oo wax badan ka qabatay baahiyaha qaar ee Dalka ka jira, wuxuuna intaa ku daray in looga baahan yahay in looga baahan yahay wax qabad intaa kasii badan.
Wuxuu sheegay Wasiirku in ayan jirin cid marti ka ah horumarka Soomaaliya qurba joog iyo Dal joog intuba, wuxuuna faray in si wada jir ah looga wada shaqeeyo dhismaha Dalka.
βWasiir Beyle, ayaa yiri,β Horumarka Soomaaliya cid marti ka ah ma jirto qurbe ama kuwa Dalka jooga, waa inaan wadajir uga wada shaqeynaa, Dalkasta Dadkiisa ayaa dhisa, Soomaaliya Soomaali uunbaa dhisi kartaβ.
