Wasiirka shaqada iyo Arrimaha bulshadda Biixi Imaan Cige, ayaa booqasho indha-indhayn ah ku tegay Dugsiga Farsamada Gacanta ee Xero-Jarmal. Dugsigaan oo barisamaad kii lagu baran jiray takhasusaad ka kala duwan ee farsamada gacanta, waxaa burbur baahsan ugaystay dagaaladii iyo colaadihii dalka ka dhacay.
Wasaaradda Shaqada iyo Arrimaha Bulshada waxaa ka go’an sidii loo soo noolayn lahaa qeybaha waxbarashada farsamada gacanta oo ay ugu horrayso sidii dib loogu soo noolayn lahaa Xaruntan.
“Waxaa hubaal ah in ummaduhu u kala horumarsanyihiin sida ay ugu kala horreeyaan farsamada, hal-abuurka iyo waxsoosarka. Sidaa daraadeed, horumarinta farsamada gancantu —Technical and Vocational Education and Training’ (TVET)— waxay ka mid tahay arrimaha mudnaanta weyn u leh Barnaamijka Xukuumadda #Dan Qaran”.
waxaa farxad weyn ii aheyd maanta in aan xarunta kula kulmay maamulihii hore Xarunta ee Xilligii Burburka ka hor Mr. Mahdi Maxmuud Cali, Mahdi waa khabiir ku takhasusay arrimaha la xidhiidha maamulka iyo siyaasadda farsamada gacnta, xaruntana wakhti iyo tamarba galiyay waagiisii, dadbadan oo ka aflaxayna maanta heererkala duwan ka joogaan aqoonta farsamada.
Waaya aragnimadiisa aqoontiisu waxay kaalin muglegh ku yeelan doontaa dib u yagleelidda xaruntaan. Waxa sidoo kale wax lagu farxo aytahay inay joogaan Macalimiintii farsamada ee Dugsigaan barayaasha ka haan jiray oo in badan oo ka mid ahi ay diyaar yihiin.
Wax raggaas ka mid ah oo aan rabaa in aan halkan uga mahadceliyo ” Xasan Maxamed Guutaale, oo isaga laftiisu xaruntan ka aflaxay barisamaadkii, waxbarasho dibadda ahna xaruntu u dirtay. Xasan, Soddon kii sanno ee u danbeeyey ee dalku ku jiray duruufaha adag, ayuu xaruntaan gacanta ku hayay, waxaana ku soo maray duruufo kala duwan. Wuxuu dadaal dheer u galay sidii loo badbaadin lahaa dugsigaan, illaa maanta gacanta ayuu ku hayaa.” Ayuu yiri Wasiir Biixi .
