Wasiir Ku-xigeenka Wasaaradda Arrimaha Dibadda iyo Iskaashiga Caalamiga ah, Mudane Xasan Maxamed Cali (Nadaara), ayaa maanta qaabilay Safiirka cusub ee dowladda Turkiya u soo magacaawday Jamhuuriyadda Federaalka Soomaaliya Mudane Ferhat Alkan, isga oo ka gudoomay nuqul ka mid ah Warqadaha Aqoonsiga ee dabjiranimo.
Wasiir Ku-xigeenku wuxuu soo dhaweeyay Danjire Alkan, waxa uuna tilmaamay in dowladaha Soomaaliya iyo Turkigu yihiin laba dal oo walaalo ah oo ay ka dhexeeyso diin, taariikh iyo xiriir dhow oo ku dhisan iskaashi iyo garab istaag soo jiray xilliyo adag.
Labada dhinac ayaa si wada jir ah u sheegay sida ay uga go’an tahay sii xoojinta xiriirka laba geesoodka ah iyo ballaarinta iskaashiga dhinacyada amniga, ganacsiga, horumarinta iyo waxbarashada, si ay uga wada faa’iideystaan labada shacab ee walaalaha ah.
