Dadka ka soo qaxay dagaalada dalka Yemen ee deegaanka ka dhigtay safaaradda dowladda Yemen ay ku leedahay magaalada Muqdisho oo iyagoo dhawaanahaanba xaaladooda ay liidatay ayaa maanta waxaa deeq raashin ah gaarsiiyay wasiir ku xigeenka beeraha xukuumadda Soomaaliya Cabdi Casiis Saalax Carmaan.
safaaradda ayaa waxaa degaan ka dhigtay dhowr boqol oo qaxooti Yemeniyiin ah iyo sidoo kale mawaadiniin Soomaaliyeed oo dalka Yemen ka soo qaxay waxaana safaaradu ay sheegtay in daruufo adag ay ku noolyihiin qoosaskaasi una baahan yihiin caawinaad ay ka helaan walaalaha Soomaaliyeed.
qunsulka Yemen ee Somalia ayaa uga mahad celiyay wasiirka deeqda uu gaarsiiyay qoosaska qaxootiga ku ah safaaradda waxaana uu xusay in dadkaasi ay u baahan yihiin dadaal intaa ka badan.
Gudoomiyaha degmada Shangaani ee gobolka banaadir Siciid Cabdul qaadir ayaa ka hadlay ayaa u mahad celiyay wasiirka iyo hay,adaha caawinaya qaxootiga waxaana uu intaa ku daray in hay,adaha uu ka codsanayo in la gar gaaro qaxootigaas.Cod
“dad dhibaateysan ayaa dagan safaaradda Yemen waxaana ka codsaneynaa hay,ada dhan in dadkaa la soo caawino sidoo kale waxaan weydiisaneynaa dadka wax haysta in haweenka caruurta iyo dhalinyarada aan shaqeyn ay wax u qabtaan “ayuu yiri gudoomiyaha.
Wasiir ku xigeenka wasaaradda beeraha xukuumadda Soomaaliya mudane Cabdi casiis Saalax Carmaan ayaa ugu dambeyn ka hadlay deeqda halkaa uu gaarsiiyay waxaana uu u mahad naqay hay,ado uu sheegay in ay ka soo jawaabeen cosdi uu u diray oo ahaa in la caawiyo dadka qaxootiga ah .
“Safaaradda Yemen waxaan ku nimid qaylo dhaan ayaan dhexdaas ah ka soo yeertay dadka dhibaateysan marka qaylo dhaantaas ayaan ku soo baxnay waxaan mahad u celinayaa anagana aan codsi u dirtay hay,ada Gifti waxaan rabaa fursadaan in aan uga faa,iideysto safaaradda Yemen dadka ku jira arintaan in aysan noqon mid mashruuc ah oo dadkaan xaafadaha magaalada la dajiyo arintaa waa muhiim”ayuu yiri wasiir Carmaan .
