Wafdigan uu hogaaminyo Wasiir ku-xigeeynka Wasaaradda Maaliyadda ee Xukuumadda Soomaaliya Prof Cabdullaahi Sheekh Cali Qaloocow ayaa waxaa garoonka Cadaado ku soo dhaweeyay mas’uuliyiin ka tirsan dowlad Goboleedka Galmudug
Wasiirka waxa sidookale ku wehlinayay Wasiirka Wasaaradda arrimaha Gudaha ee Galmudug, iyadoo ujeedka safarka uu ahaa mid Wasaaradda Maaliyadda Galmudug ka fulineyso mashaariic horumarineed oo ah dhismaha xarumo degmo iyo waliba tababaro la xiriira canshuuraha .
Hoolka nasiinada garoonka waxa si wadajir ah Warbaahinta kula hadlay Cali Xaaji Ibraahim oo ah sargaal ka tirsan Wasaaradda Maaliyadda iyo Wasiirka Arrimaha Gudaha Galmudug Maxamad Xayir Nuur ayagoo tilmaamay in mashruucyada horumarined laga fulin doono deegaanno badan oo ku yaalla Dowlad Goboleedka Galmudug.
Wasiir ku-xigeeynka Wasaaradda Maaliyadda ee Xukuumadda Soomaliya ayaa sheegay in safarkooda uu yahay mid ku wajahan degaano ka tirsan Galmudug oo ay ka dhagax dhigi doonan mashruucyo horumarineed oo ay dowladda fulineyso.
Mashaaricdaan horumarineed ee Galmudug laga fulinayo ayaa waxa ay qeybtahay fulinta qorshaha horumarinta Qaranka Soomaaliya oo gobolo badan laga fuliyay.
Deeqo Jiinow
