Wasiir ku xigeenka wasaaradda Maaliyadda Dowladda Fadaraalka Soomaaliya
Prof: C/llaahi Sheekh Cali “Qalloocoow” iyo mas’uuliyiin ka tirsan kuwa
maamulka Gobalka Mudug ee Puntland ayaa maanta dhagax dhigay xarun la
doonayo in uu ku shaqeeyo Maamulka Dagmada Galkacyo ee Puntland,
iyadoo dhismaha xaruntaan uu qeyb ka yahay Mashaariicda horumarineed ee ay
wasaaradda maaliyaddu ka waddo Goballadaย Dalkeenna.
Munaasabadda Dhagax dhigga xarunta Dagmada Galkacyo ee Puntland ayaa
waxaa ka hadlay Duqa dagmada Galkacyo ee Dowlad Gobaleedka
Puntland Maxamuud Yaasiinย Axmed (Tumeey) waxaana uu sheegay in ay aad
ugu faraxsan yihiin in loo dhiso xarun cusub oo uu yeesho maamulka
dagmadu maaddaama tii horay ay ugu shaqeeyn jireen ay ku bur burtay
weerar kooxda argagixisidaa ee Al shabaab ay ku qaadeen xaruntoodii
iyo goobo ay lahaayeen dad shacab ah isagoona sidoo kale uga mahad
celiyay dowlada fadaraalka Soomaaliya dhismaha xaruntan.
Related posts
Gudoomiyaha Gobalka Mudugย Dowlad Gobaleedka Puntland Xasan Maxamed
Khaliif (Abgaaloow) iyo Madaxa mashruucaan ee wasaaradda maaliyadda
Dowlada fadaraalka Soomaaliya Cali Xaaji Aadan oo iyaguna Goobta ka
hadlay ayaa ugu baaqay kambaniga howsha qabanaya in ay u qabtaan
dhismaha mashruucaan sida loogu tala galay.
Madaxa mashruucaan Cali Xaaji Aadan ayaa xusay in mashruucaan uu yahay mid
lagu tijaabinayo maamulka puntland ee dagmada Galkacyo iyo kambaniga
howsha wada sidaa darteedna looga baahan yahay in xil gooni ah ay iska
saaraan habsami u socodka howshan.
Wasiir ku xigeenka wasaaradda Maaliyadda Dowlada Fadaraalka Soomaaliyeed
Prof; C/llaahi Sheekh Cali “Qalloocoow” ayaa ugu danbeyntii goobta dhagax
dhigga kula hadlay warbaahinta waxaana uu sheegay in dhismaha xarunta
dagmada Galkacyo ee Puntland ay qeyb ka tahay mashruucyo horumarineed
oo ay wasaaraddu ka waddo qaar ka mida Goballada Dalka, ย wasiirka
ayaa ugu baaqay dhalinyarada reer Galkacyo in ay hormuud ka
noqdaan sara u qaadista horumarka iyo Ammaanka Gobalka Mudug.
