Wasiirka Maaliyadda Xukuumadda Federaalka Soomaaliya Dr. Cabdiraxmaan Ducaale Beyle, ayaa kulan muhiim ah la qaatay mas’uuliyiinta Dowladda UK oo kala ah Safiirka Dowladda Ingiriiska ee Muqdisho Kate Foster iyo Wakiilka Arrimaha Geeska Afrika iyo Badda Cas Philip Parham.
Wasiir Beyle ayaa mas’uuliyiinta uu la kulmay kala hadlay sii wadidda taageerada horumarineed ee Maaliyadda iyo dib-u-habaynta hannaanka dhaqaalaha Soomaaliya.
Ugu danbeeyn Wasiirka Wasaaradda Maaliyadda Soomaaliya mudane Cabdiraxmaan Ducaale Beyle ayaa uga mahad celiyay mas’uuliyinta uu la kulmay taageerada dowladda UK ay siiso Soomaaliya, isaga oo ugu baaqay inay kordhiyaan.
