Wasiirka Wasaaradda Beeraha Iyo Waraabka JFS mudane Maxamed Cabdi Xayir Maareeye oo shir guddoomiyay Kulanka Isku-xirka ee Wasaaradda Beeraha iyo Waraabka iyo USAID/FCDO.
Kulankaan wuxuu isku keenay Wasaaradda Beeraha iyo Waraabka, USAID, FCDO, iyo hey’adaha la-hawlgala si looga wada hadlo sida taageerada USAID iyo FCDO ay uga qayb qaadanayaan mudnaanta Qaranka ee Dowladda Federaalka Soomaaliya.
Madasha waxaa kale oo lagu wadaagay xogaha ku saabsan mashaariicda socda iyo kuwa la qorsheynayo in ay bilaawdaan.
Inta shirka uu socday caqabadaha taagan ee la isla arkay waxaa ka mid ah Mashaariic isku mid ah laga fuliyo deegaanno isku dhow, taasoo keenta in kharash aan loo isticmaalin baahiyaha jira waxtarkuna yaraado. Deegaanno nugul oo aan helin adeegyo ku filan sababo la xiriira isku-xir la’aan.
