Wasiirka Amniga Gudaha ee Xukuumadda Federaalka Soomaaliya, General Cabdullaahi Sheekh Ismaaciil (Fartaag), ayaa maanta ku wareejiyay Wasiirrada Amniga ee Galmudug iyo Hirshabeelle lix gaari oo loogu talo galay ciidanka Booliska ka howlgala deegaannada dhawaan laga xoreeyay kooxda Khawaarijta.
Gaadiidkan ayaa loogu talogalay in lagu xoojiyo awoodda ciidanka booliska ee ka shaqeynaya sugidda amniga iyo xasilinta deegaanadaasi. Furayaasha gaadiidka ayaa si rasmi ah loogu wareejiyay Taliyeyaasha ciidanka booliska ee Galmudug iyo Hirshabeelle, taasoo qeyb ka ah dadaallada dowladda dhexe ee Soomaaliya ee ku wajahan dib u dhiska hay’adaha amniga ee dowlad-goboleedyada.
