Wasiirka Wasaaradda Warfaafinta Dhaqanka iyo Dalxiiska Xukuumadda Federaalka Soomaaliya ayaa sheegay in wasaaradda warfaafinta ay ku tallaabsatay Horumarro badan muddooyinkii la soo dhaafay.
Wasiir Maxamed Cabdi Xayir Maareeye ayaa sheegay in Wasaaraddu ay ku guuleysatay der-Der Gelinta howlaha shaqo ee sadexda waaxood ay ka kooban tahay wasaaradda Warfaafinta Isla markaana ay sii socon doonaan xoojinta Howlaha shaqo ay wasaaraddu u heyso bulshada Soomaaliyeed.
Wasaaradda Warfaafinta gaar ahaan waaxyaha Tv-ga, Wakaaladda Wararka Soona iyo Radio Muqdisho waxa ay ku tillaabsadeen horumarro badan kuwaas oo ay ka faa’iideysteen Bulshada kuxiran, iyadoo wali ay socoto xoojinta Howlaha ay hayaan.
