Wasiirka arrimaha gudaha iyo federaalka xukuumadda Soomaaliya mudane Cabdi raxmaan Maxamed Xuseen {Odawaa} oo ay wehliyaan xildhibaano ka tirsan baarlamaanka Soomaaliya iyo maamulka gobolka Galgaduud oo galabta gaaray magaalada Dhuusa mareeb ee xarunta gobolka Galgaduud ayaa waxaa uu ka hadlay arimo dhowr ah oo ay ka mid tahay in uu sheegay in uu u tagay magaalada Dhuusa mareeb in uu wada hadal la furo maamulka Ahlu Sunna waljamaaca ee iyagu diidan maamul u sameynta .
Wasiir Odawaa iyo mas’uuliyiinta la socota ee gaaray Dhuusa mareeb ayaa waxaa si diiran u soo dhaweeyay qaybaha bulshada reer Dhuusa mareeb oo ay ku jiraan xubnaha mas’uuliyiinta ahlu sunna waxaana uu wasiirku la hadlay bulshada soo dhaweysay oo uu u sheegay in ay xudun u yihiin dhismaha maamulka gobolada Mudug iyo Galgaduud uuna ka codsaday in ay garab istaagaan oo ay doorkooda qaataan .
Mudane Odawaa wasiirka wasaarada arimaha gudaha iyo federaalka ayaa waxaa uu ku cel celiyay in loo baahan yahay isku tanaasul iyo in la garab istaago dowladnimada in loo sabro waxyaabo badan in loo baahan yahay ayuu soo jeediyay wasiirku wada hadal in uu la gali doono cid kasta oo wax tabaneysa ayuu hadalkiisa sii raaciyay.
