Xukuumadda Soomaaliya ayaa sheegtay in uu dhawaan furmidoono Shirka Maamul u samaynta Gobollada Hiiran iyo Shabeellaha Dhexe.
Wasiirka Arrimaha Gudaha iyo Federaalka Cabdiraxmaan Maxamed Xuseen Odawaa ayaa sheegay in dhawaan ay billaaban doonto dhismaha Maamullada Hiiraan iyo shabeellaha Dhexe, isla markaana loomaridoono hanaankaas sidii loo dhisay Maamulladii ka horreeyay.
Dhinaca kale Wasiirka ayaa tilmaamay in ay socoto qorshayaal lagu Dhisayo Xisbiyada Siyaasadeed si loo gaaro halka la hiigsanayo Mustaqbalka Dhow.
“Sharciga axsaabta waxa uu yaalla Wasaaradda Waxaana furi doonnaa shir Wadatashi ah bisha November kaas oo looga hadlayo dhismaha Xisbiyada siyaasadda, kaddib waxaan horkayn doonnaa Golaha Wasiirrada iyadoo loo gudbin Doono baarlamaanka si ay ugu dambayn u meelmariyaan” Ayuu yiri Wasiir Odawaa.
