Wasiirada arrimaha gudaha iyo ammniga ee Xukuumadda Soomaaliya ayaa maanta hortagaya Barlaamaanka, iyada oo la weydiinayo su’aallo la xiriira howllaha horyaalla Wasaaradaha ay madaxda ka yihiin.
Xildhibaan Maxamed Cumar Maxamuud hab dhowraha Baarlamaanka soomaaliya oo la hadlay Radio Muqdisho ayaa waxaa uu sheegay in ay mudanayaasha ay wasiiradda weydiin doonaan su’aalo kala duwan oo ku khotoma howlaha ay hayaan, gaar ahaan dhanka amniga.l
“Ajandaaha kulanka baarlamaanka ayaa ah su’aalo lagu weydiinayo Wasiirada amniga iyo arrimaha gudaha ee Xukuumadda, kuwaasi oo baarlamaanka hor imaan doona” ayuu yiri Xildhibaan Maxamed.
Xildhibaanka ayaa sheegay in xeer hoosaadka baarlamaanka uu qabo in xubinkasta oo ka tirsan baarlamaanka ay su’aalo weydiin karaan xubnaha golaha Wasiirada ee Xukuumadda Soomaaliya.
.
