Shirka Wasiirada Difaaca ee dalalka la isku yiraahdo Saaxil iyo Saxaraha oo ay ka qeybgaleen in kabadan 20 dal ayaa lagu soo gabagabeeyay magaalada Qaahir ee Xarunta Dalka Masar.
Shirka oo socday muddo afar maalin ah ayaa Waxaa Soomaaliya ku matalayay Wasiirka Difaaca Soomaaliya Mudane C.qaadir Sh Cali Diini iyo wafidu uu hoggaaminayay.
Related posts
Wasiirka Difaaca Soomaaliya Mudane C.qaadir Sheekh Cali Diini oo u warramayย Wakaaladda Wararka Qaranka Soomaaliyeed SONNA ayaa sheegay in shirka looga dooday dhibaatada xagjirnimada ee caalamka ku sii faafeysa iyo sidii dalalka Siin Saad la isku dhaho ay isaga kaashan lahaayeen dagaal wada jir ah oo looga hortago.
โArrinta ugu muhiimsan ee la isla gartay waxa ay taahay in si wadajir ah la isaga kaashado ka hortagga iyo la dagaallanka kooxaha Xagjirka iyo dhibaatooyinka ay ku hayaan adduunka iyo Qaaradda Afrika oo ay Soomaaliya ka mid tahay, lana sameeyo barnaamishyo wacyi galin iyo shaqo abuur loo sameeyo dhalinyaradaโAyuu yiri Wasiir Diini.
Wasiirka ayaa sidoo kale sheegay in kulanka looga dooday in la dhiso ciidamo gaar ah oo jawaab ka bixiya qatarta ka imaan karta kooxaha argagixisada, dhawaana la soo saarayo qodobada la isku raacay intii shirku socday.
Kulanka Wasiirada Difaaca wadamada Saaxlil iyo Saxaraha la isku dhaho ayaa ku soo beegmaya, iyadoo dowlado badan oo xibin ka ah ururkan ay dagaal kula jiraan kooxaha argagixisada ee beegsanaya goobaha ay ku kulmaan dadka shacabka ah.
