Munaasabadahan oo xilalka ay kula wareegayeen wasiirada gaadiidka iyo duulista hawada, iyo bacdanta iyo batroolka ayaa maanta lagu qabtay magaalada Muqdisho kaasi oo ay ka qeyb galeen Wasiirada xilka lawareegay iyo Wasiiradii hore.
Wasiirkii hore ee macdanta iyo batroolka Daa’uud Max’ed Cumar ayaa ugu horeyntii faah faahin ka bixyay waxqabadkii mudadii xafiiska uu hayay.
Sidoo kale Wasiirka Wasaaradda Macdanta iyo batroolka Mudane Maxamed Mukhtaar Ibraahim ayaa sheegey in uu dardargelin doono howlaha Wasaaradda u yaala.
Dhinaca kale munaasabada taasi lamid ah uu xilka kula wareegayay Wasiirka gaadiidka iyo Duulista Hawada ayna ka qeyb galeen mas’uuliyiin iyo hanta dhowrarah guud ayaa maanta ka dhacday magalaada Muqdisho.
Cali Gacal Gaabow Agaasimaha guud ee Wasaaradda Gaadiidka iyo Duulista hawada ayaa ugu horeyn ka hadlay waxqabadkii Wasaaradda mudadii ay shaqeynaysay, isagoo xusay inay diyaar u yihiin la shaqeynta Wasiirka cusub.
Siciid Maxamed Jaamaca Qoorsheel Wasiirkii hore ee Wasaaradda gaadiidka ayaa si rasmi ah ugu wareejiyey xilka Wasiirka Wasaradaa kulana dardaarmay in uu halkii ka sii wadi oo howlaha qabyada u ah Wasaaradda.
Axmed Jaamac Jengeli Wasiirka Gaadiidka iyo Duulista Hawada xukuumadda Soomaaliya ayaa balanqaaday in uu ka shaqeyn doono sidii loo sii dardargelin laha ahowlaha wasaradda.
Mas’uliyiinta ayaa intaasi kadib kormeerey ku sameyeey garoonka diyaraaha ee magaalada Muqdisho iyo xaruumo kale sida xaruuntii taarigooyinka iyo leesinada ee Fisha baraa.
